ბუნებრივი სამშენებლო ქვა და არქიტექტურული გამომსახველობა

გ.ყიფიანი, თ.ინდაშვილი, ი.დემეტრაშვილი
(საქართველო)

განხილულია ბუნებრივი სამშენებლო მასალის, ქვის როლი არქიტექტურულ გამომსახველობაში. ქვა დუმს, როდესაც მის ზედაპირს არ აკვირდებიან, ბუნების მიერ ამ ზედაპირზე თუ მის შიგნით შენახულ ინფორმაციას არ კითხულობენ. თუ ჩაუღრმავდებიან, წაიკითხავენ და გაიგებენ რა მოვლენების შედეგად წარმოქმნილა, ამეტყველდება მისი სტრუქტურა, აღგაფრთოვანებს ტექსტურა და თავადვე გიკარნახებს არქიტექტურულ ფორმას. ავტორთა ჯგუფს საინტერესოდ აქვთ წარმოდგენილი მცხეთის ჯვრის ტაძრის მაგალითზე იმ კლდით, რომელზეც ტაძარია აღმართული და იმ ქვით, რომლითაც სტრუქტურაა შექმნილი, შემდგარი დიალოგი. სწორედ ეს არის ხელოვნების ნიმუში, რომელიც ხუროთმოძღვრის ტალანტზე მიუთითებს.